【點樣將選票轉化為影響力？】

無論你關心嘅係生活成本、經濟、外交，定係公共醫療，作為選民嘅你都可以把握英國大選嘅機會，用你手中嘅選票反映你嘅訴求。

大選就係每五年一次嘅國會選舉，全國人民投票揀選自己選區嘅議員入下議院。全國會選出650名下議院議員，而喺下議院選舉中取得最多議席嘅政黨會自動成為執政黨，組成政府內閣，該黨黨魁會被委任為首相。2019年嘅英國大選，保守黨贏得過半議席，因此可以繼續執政，約翰遜（Boris Johnson）作為保守黨領袖亦成功續任首相。

換句話說，選民可以直接決定喺下議院代表佢哋嘅議員，同時透過投票決定邊個政黨有提名首相俾英王任命嘅權力。

政府將會提出各種草案，同時可以控制國會議程同議題討論時間。即使草案會經過兩院討論，邊個黨執政都會大大影響未來嘅施政方向，你嘅一票將會對左右未來五年嘅發展。

另外，你選區嘅下議院議員就係你喺議會嘅代表，可以幫你向政府發聲，例如喺議會提出質詢、修正草案、提交私人議員法案等等，將你嘅訴求帶去議會。雖然有啲議員同時係政府內閣成員，但佢哋依然會營運地區辦公室，關注地區問題，可以喺收集意見後用私人信件或會議向決策者反映。

所以，無論係間接決定政府施政方針定係直接選出最能代表你嘅議員，你嘅選票喺大選中都會幫你發聲！

#Vote4HK
#一票在手 #以民主撐民主
#2024英國大選
——————
Website: https://www.vote4hk.uk/
Instagram: https://www.instagram.com/v4hk.uk/
***

一個不忘討論抗爭嘅英國公海
📌 加入TG公海

BHK Support 🗳 V4HK 🗳